ارشاد نفسي - منوعات - ترفيه - كاريكاتير- قرارات - مسابقات - نتائج امتحانية

         روضة طيور الجنة

 

تصميم: علي مأمون حميدي  - wamid.yoo7.com

    العجوز والشيطان

    شاطر

    yaah
    المدير العام
    المدير العام

    ذكر عدد الرسائل : 278
    العمر : 37
    البلد :
    تاريخ التسجيل : 08/12/2008

    العجوز والشيطان

    مُساهمة من طرف yaah في الجمعة أكتوبر 02, 2009 1:29 pm

    كان يا ما كان في قديم الزمان ………كان فيه أمراة عجوز قاعدة لحالها
    وفجأة طلعلها ابليس ……… العجوز خافت وسمت بالرحمن واتعوذت من الشيطان
    قالها ابليس :أنتِ يا عجوز هل تعتبرين نفسك داهيه؟؟؟؟
    العجوز: نعم أنا داهيه ……….. والنساء عموما كيدهم عظيم !
    أبليس: أنا أتحداك……..ومنشوف مين كيده أعظم …..المرأة والا أبليس
    العجوز : أنا رح سوي مشكله وأنت راح تحلها واذا ما قدرت أنا راح حلها
    ورح فوز بالرهان

    أبليس : موافق..
    راحت العجوز لواحد من هالعونطجية اللي ما عندهم شغل - وما اكثرهم -وقالت له أنا بشغلك عندي فترة معينه بس……. اذا بدك مصاري لا تتدخل
    ولا تتكلم , وافق الشاب لأنه طفش من قلة الشغل و بدو عملة ..راحت العجوز ومعاها الشاب لمحل قماش وقالت له أنتظرني عند باب المحل دخلت
    المحل واخذت قماش غالي وراحت تفاصل تاجر القماش..
    العجوز: رخص يا ابن الحلال …
    التاجر :اذا أنتي ما معك عملة خذي شيء أرخص
    العجوز : ما بقدر ….لازم ولا يصير شي ء ما صار
    التاجر :ليش ؟؟ …..لهالدرجه …..شو القصة؟؟
    العجوز:شفت الشاب اللي واقف عند باب المحل ...هذا ولدي يحب وحده متزوجه وهي تحبه ولما تتطلق من زوجها …ولدي رح يتزوجها
    وهو قالي إن عارضتي الزواج رح أطردك من البيت وأمرني أني أشتري قماش غالي ليعطيه لحبيبته والا رح يطردني من البيت مع أن البيت بالأساس
    بيتي ولكني غلطت وكتبته بأسمه ' العجوز صارت تبكي '
    التاجر: خلاص هونيها وبتهون والله كسرتي خاطري ….خلص أنا رح أعطيك القماش ببلاش….وعسى الله يأجرني
    العجوز طلعت مبسوطه وحكت للشب روح اسبقني عالبيت ..
    بعدها راحت العجوز لبيت زوجة تاجر القماش ( بعد ما اندلت عاى بيتو ) ودقت الباب وطلعت الزوجة
    العجوز:آه يابنتي أنا تعبت بالطريق و ما عم اقدر كمل ممكن أقعد عندك أرتاح خمس دقايق ...

    رحبت الزوجة ودخلتها وأكرمتها وجابتلها شاي
    العجوز:شكرا ان شاء الله أردها لك (تعمدت تنسى القماش ) وطلعت.
    الزوجة: حرام نست قطعة القماش …أكيد رح ترجع بعد شوي وتاخذها و حطتها بالخزانة..
    تاجر القماش رجع لبيته واتغدى غدا أخد قيلولتو المعتادة وقام العصر وفتح الخزانة منشان يغير أواعيه ……مفاجأة قطعة القماش !!
    وعرف أن المرأة اللي بدو اياها ابن العجوز هي زوجته يعني عم تخونه قام عليها وضربها وطردها بالشارع بالأواعي اللي عليها.

    العجوز كانت تنتظر هاللحظه في أخر الشارع فراحت لها تركض
    العجوز: مالك يا بنتي ليه عم تبكي؟؟؟
    الزوجه : زوجي طردني …وما عطاني فرصه أتكلم .
    العجوز: خلص أنا بوديكي على بيتي وأنا بروح أحل المشكله
    راحت العجوز لبيتها ودخلت الزوجه في غرفة بينما الشاب كان في غرفه ثانيه وأمرته أنه ما يطلع منها
    راحت العجوز للشرطه تبكي وتقول : كنت قاعدة في بيتي وفجأة دخل رجل ومعه امرأة وقعدوا ببيتي حاولت أطلعهم ما قدرت أحتلوا بيتي
    ذهبت الشرطه وقبضت على الشاب والزوجه ….وحطوهم بالسجن.
    العجوز: ها ها شو رايك يا أبليس ؟؟ دورك هلأ حل المشكله
    أبليس : لا لا ما أقدر أحلها القصة صعبت كتير !!!!!
    العجوز: أنا رح أحلها وكأن شيء لم يكن . ورح أربح الرهان
    راحت العجوز تزور الزوجه بالسجن وقالت لها :أنتي ساعدتيني مرة وأناهلء رح ساعدك ….. يلا ألبسي عباتي وغطي حالك وأطلعي من السجن
    كأنك أنا وأنا بقعد مكانك.
    الزوجة:شكرا….بس أنتي ؟؟؟
    العجوز: مالك دخل مثل ما طلّعتك بطلع نفسي.
    تمت عملية الهروب بنجاح….
    الوالي أمر الحراس ان يحضروا المسجونين ليحكم عليهم
    حضرت العجوز والشاب وقال لهم الوالي : ليش قابضين عليكم شو مسوين؟؟
    ردت العجوز:نحنا ما سوينا شيء كنا قاعدين ببيتنا أنا وولدي وإذ بالشرطه طابه علينا وماخذينا السجن .
    عصب الوالي وهزّأ الشرطه وما عطاهم فرصه يحكو ويقول :غلطانين وبدكم تحكو.والله عينكم قوية
    طلعت العجوز من عند الوالي فرحانه واعطت الشاب حقه وأنهت خدمته عندها.
    راحت العجوز لتاجر القماش وقالت له أنها تعبت بالطريق وأن زوجته أصيله وأكرمتها وهي من كثر التعب نست القماش عندها وأن زوجته بريئه
    وقالت خذ قماشتك لأن ولدي سافر هو و زوجته الجديدة...رجّع التاجر زوجته وتأسف منها و راضاها كمان.
    العجوز : شو رايك يا أبليس أنا حليت قصة سهله كتير..!!


    ابليس وهو يصرخ بأعلى صوته ويشد قرنيه ويضرب رأسه بشوكته: أشهد أن لا اله الا الله وأن محمد رسول الله

    from my mail
    _________________

      الوقت/التاريخ الآن هو الأحد ديسمبر 04, 2016 2:11 am